(1)
+ حوالينا أصوات كتير
لكن فوقها إله قدير
عالي .. موجود .. غير محدود
صوته أقوى من المياه
ليه تسجد كل الجِباه
ويقول .. يكون .. فيكون2
هنخاف من إيه
والرب بنفسه اللي حامينا
هو معانا وساكن فينا
طول الأيام
طب ليه بنخاف
لا مرض ولا ضيق راح يفصلنا
عن حبه ده بإيده شايلنا
ومالينا سلام 2
+ رافعين راية الإيمان
مهما اتحدانا العيان
يهوه .. ليه كل .. السلطان
راح نطلق كلمات حياة
وهانعلن يوجد إله
بينجي .. م الموت .. حَنَّان 2
هنخاف من إيه
والرب بنفسه اللي حامينا
هو معانا وساكن فينا
طول الأيام
طب ليه بنخاف
لا مرض ولا ضيق راح يفصلنا
عن حبه ده بإيده شايلنا
ومالينا سلام 2
(2)
اطمن خايف ليه
ده ناقش اسمك على كفيه
طول ما أنت ماسك في إيديه
(اطمن)
عنده للموت مخارج
ماهو هو الأسد الخارج
غالب وهايفضل غالب
(اطمن)
+ ع الموج العالى بيمشى
وكمان المرضى بيشفى
يدى وبالنعمة يكفى
ويسدد الاحتياجات
فى البحر يشق طريق
يتمجد وسط الضيق
و مهما الأحوال بتضيق
يجى ويصنع قوات
اطمن خايف ليه
ده ناقش اسمك على كفيه
طول ما أنت ماسك في إيديه
(اطمن)
عنده للموت مخارج
ماهو هو الأسد الخارج
غالب وهايفضل غالب
(اطمن)(2)
+ ضابط كل الاكوان
وبروحه فى كل مكان
وبيدى سلام وأمان
للى بيتعلق بيه
فى الرحمة مالهوش مثيل
وفداؤه ده هو دليل
عن حبه لكل ذليل
غالي ومحبوب في عينيه
اطمن خايف ليه
ده ناقش اسمك على كفيه
طول ما أنت ماسك في إيديه
(اطمن)
عنده للموت مخارج
ماهو هو الأسد الخارج
غالب وهايفضل غالب
(اطمن)(3)
+ فى الحرب يحارب عنا
لما بنصرخ له أعنا
طول عمره قريب منا
ولا يعرف مستحيلات
إبليس قدامه مرعوب
وباسم يسوع مغلوب
وإحنا بدم المصلوب
مضمون لينا انتصارات
اطمن خايف ليه
ده ناقش اسمك على كفيه
طول ما أنت ماسك في إيديه
(اطمن)
عنده للموت مخارج
ماهو هو الأسد الخارج
غالب وهايفضل غالب
(اطمن)
(3)
+ بعلن لكل الأرض إنه
باسم الهي لي إنتصار
يسوع فداني ودعاني ابنه
ويعدي بي لو وسط نار
قوة صليبه لي حياة
وعلامته فوق جبيني افتخار
اداني وعد حياة أبدية
أنا مش ضعيف أنا بيه جبار
عندي إيمان إن إلهي
أقوى من كل الظروف
وكل كلمة من كلامه
تتحدى جوايا أي خوف
لي رجاء أنه هييجي
وعيوني لجماله تشوف
يعلى تسابيح نصرتي
بهتاف صنوج ويا دفوف
+ يمكن تمر أيام سعيدة
وتانية تملاها الآلام
شاكر في وقت الفرح ضامن
يديني وقت الضيق سلام
يسندني وسط ضعفي
وعده حي وحقيقي مش كلام
وروحي تشتاق في كل يوم
لوطن معاه فوق الغمام
عندي إيمان إن إلهي
أقوى من كل الظروف
وكل كلمة من كلامه
تتحدى جوايا أي خوف
لي رجاء أنه هييجي
وعيوني لجماله تشوف
يعلى تسابيح نصرتي
بهتاف صنوج ويا دفوف
(4)
ماتعولش الهم وماتخافش
ربنا موجود
ده إلهك حي ما بينامش
وما لوهش حدود)2
+ اطمن روح
لطبيب الروح
ده الباب مفتوح
بابه مش مسدود
و يا ريت تنادي له
ولما تجيله
الشوك حايشيله
وحايبقى ورود
ربنا موجود
ماتعولش الهم وماتخافش
ربنا موجود
ده إلهك حي ما بينامش
وما لوهش حدود)2
+ يا سلام يا هناك
طول ماهو وياك،
عايش جواك وعليك بيسود
لو كان مسئول
عنك على طول
الهم يزول والفرح يعود
ربنا موجود
ماتعولش الهم وماتخافش
ربنا موجود
ده إلهك حي ما بينامش
وما لوهش حدود)2
+ لو ماسك فيه
ومسلم ليه
عمرك وعليه
على طول مسنود
شرك يمحيه
عمرك يبنيه
حالًا تلاقيه
مابقاش مهدود
ربنا موجود
ماتعولش الهم وماتخافش
ربنا موجود
ده إلهك حي ما بينامش
وما لوهش حدود)2
(5)
أنا مش وحيد إنت معايا
إنت السنيد فيك الكفاية
+ إنت رفيقي في طول رحلتي
ترشد طريقي تقود خطوتي
أنا مش وحيد إنت معايا
إنت السنيد فيك الكفاية
+ شمسي في نهاري وفيك الشفا
وفي برد ليلي حضنك دفا
أنا مش وحيد إنت معايا
إنت السنيد فيك الكفاية
+ لو ظن قلبي إنك بعيد
أو جه في خيالي إني وحيد
أنا مش وحيد إنت معايا
إنت السنيد فيك الكفاية
+ كل ما فيَّ طالب رضاك
كل ما ليَّ سايبه معاك
أنا مش وحيد إنت معايا
إنت السنيد فيك الكفاية
(6)
يا إلهي يا حبيبي
ياللي معنى حياتي فيك
عمري كله ما يساويش
إلا لو كان بين إيديك (2)
وسط خوفي إنت الأمان
إنت فرحي في الأحزان
إنت واهب اللي ليَّ
إنت خالق قلبي في
ليه هاعيش لو مش معاك
ثمن حياتي كان دماك
إيه هاحتاج وإنت معايا
إنت ليَّ إنت الكفاية
+ وسط همي وقت ضيقي
ف كل مرة بانادي عليك
ليَّ مين غيرك بيسمع
ليَّ مين باجرى عليه (2)
وسط خوفي إنت الأمان
إنت فرحي في الأحزان
إنت واهب اللي لي
إنت خالق قلبي فيَّ
ليه هاعيش لو مش معاك
ثمن حياتي كان دماك
إيه هاحتاج وإنت معايا
إنت لي إنت الكفاية
(7)
+ إلهنا عظيم إلهنا أمين
وحافظ عهده سنين وسنين
بيطعم شعبه في برية
ويطلق أسرى ومسبين
إله دانيال ورب داوود
بنؤمن إنه ما زال موجود
ينجي عبيده حسب وعده
من سيف جليات وجب أسود
يا إلهنا الصالح شكراً ليك
مهما بنشكر مش هانوفيك
دي مراحمك جيل ورا جيل
وأمانتك ثابتة وما بتزول
أعمالك تشهد لك وتقول
يارب مالكش مثيل
+ في قلب السجن ووسط النار
بتيجي بقوة يا أوفى صديق
وإن وقف البحر قصاد شعبك
تشقه وتعمل منه طريق
ما في أبواب ولا أسوار
أمامك تقوى يا جبار
وإن اضطهدوا في مرة ولادك
نشوفك وسط أتون النار
يا إلهنا الصالح شكراً ليك
مهما بنشكر مش هانوفيك
دي مراحمك جيل ورا جيل
وأمانتك ثابتة وما بتزول
أعمالك تشهد لك وتقول
يارب مالكش مثيل
+ إله أبائنا وأجدادنا
عهودك لينا ولولادنا
يا فادي من الحفرة حياتنا
وعدتنا للسما هتاخدنا
بنعلن أن إيماننا أكيد
وإن يوم أنكرنا وصاح الديك
بنظرة حب تدوبنا
ونرجع تاني بتوبة إليك
يا إلهنا الصالح شكراً ليك
مهما بنشكر مش هانوفيك
دي مراحمك جيل ورا جيل
وأمانتك ثابتة وما بتزول
أعمالك تشهد لك وتقول
يارب مالكش مثيل
(8)
+ الله بيدعمني ويسندني
وفي وقت الأزمة بينجدني
وإن كان وارد أتوه في السكة
ألاقيه يناديني ويرشدني
مش حاجة تطمن؟
طبعاً طبعاً بتطمن
والجاي متأمن؟
طبعاً طبعاً متأمن
يبقى أنا كيف أتوكل على إنسان!
وإزاي أحزن لو فارقوني الأعوان!
وإذا كنتم شايفني لوحدي
أنا مش وحدي
دا اللي معايا .. سيد الأكوان
+ ما تقولش كتيرة وقليلة
لا تُعدم من يده وسيله
شايل أركان الكون كله
وعارفها بأصغر تفصيلة
مش حاجة تطمن؟
طبعاً طبعاً بتطمن
والجاي متأمن؟
طبعاً طبعاً متأمن
يبقى أنا كيف أتوكل على إنسان!
وإزاي أحزن لو فارقوني الأعوان!
وإذا كنتم شايفني لوحدي
أنا مش وحدي
دا اللي معايا .. سيد الأكوان
(9)
أنا واثق إني ابن ليك
اسمي منقوش في كفيك
قوة الوعد في كلامك
تحفظ سلامي وراحتي فيك
+ حتى لو كانت عيوني
شايفة برية مرة جاية
ياما شخصك المريح
عدى بيَّ وسقاني مية
كنت حاضر في الليالي
لما شكي بالخوف ملاني
لكن بنورك اتولد
فجر الأمل في حياتي تاني
أنا واثق إني ابن ليك
اسمي منقوش في كفيك
قوة الوعد في كلامك
تحفظ سلامي وراحتي فيك
+ بنعمتك عابر نيران
وفي وسطها مليان سلام
أنا شايفك بإيماني
وإيديك بحنان محاوطاني
تبقى جنبي كصديق
وسط همي أو في ضيق
تمنحني وعدك بفرح
حتى لو ضاق الطريق
أنا واثق إني ابن ليك
اسمي منقوش في كفيك
قوة الوعد في كلامك
تحفظ سلامي وراحتي فيك
(10)
+ (ربي ها اسكن في سترك
وها أعيش أنا تحت ظلك
لو جسدي شدني حبك بيردني)*2
أنا رجليَّ ضعيفة
لكن إنت رجايا
ها آجي تضلل عليَّ
علشان إنت الحماية
(خبيني من يوم الشر،
خبيني من برد وحر
خبيني من السهام،
خبيني من الأوهام)*2
وفي حضنك الدافي خبيني
2-(العالم بيحاوطني
بشره حواليَّ
كل ما ليك أقرب
الشر قدام عيني)*2
مهما بيشد قلبي
إيماني إن إنت جنبي
على سترك هاجري ربي
علشان فيك الحماية
(خبيني من يوم الشر،
خبيني من برد وحر
خبيني من السهام،
خبيني من الأوهام)*2
وفي حضنك الدافي خبيني
(11)
1- أنا عايش متشال على كفك
وإيديك بالحب محاوطاني
وإن كنت في سلام مرتاح
ده عشان إنت اللي بترعاني
2- أنا عايش مسنود على كتفك
وهمومي إنت شايلها لي
صرت عزيز في عينيك
ومكرم لما كساني الدم الغالي
3- أنا عايش وياك وباغني
وحياتي تشهد عنك
تشهد إنك صالح جدًا
ومافيش لحظة سبت فيها ابنك
4- أنا عايش وإنت مكفيني
ومسدد كل احتياجاتي
مش ممكن أبدًا هاحتاج
طول ما إنت بتغني حياتي
5- أنا عايش يسبيني حنانك
ويدوب ذاتي في أحضانك
روحك بيشكل جوايا
صورة بتعلن مجد ولادك
(12)
ربي بقربك أجد راحتي أنت خلقتني
أوجدتني لك قلبي لا لن يرتاح إلى أن يسكن فيك
نفسي لك تشتاق يا إله الحب
أعطني هذا الماء ليروي عطشي
أعطني روحك ليحل داخلي
فأسير معك معك وحدك
ربي على الأرض أظهر لي حبك
وابقي بجاني حتى لا أسقط
ثبت في داخلي روح قدسك
فأعطي حبك واغفر مثلك