+ لما وضعت الحد للبحر

اللي كان هايبتلعني
ويمحي اسمي ويمحيني
لما رسمت

أساسات الأرض وبصمة خطاك
همست لي وقولت لي

 

طوبي للي يسهر

كل يوم عند أبوابك
وكلامك يبقي في قلبه

ويعيش بيه
يتغير وينور

ويغير طرقه

وكلامه ودنيته
وخطط حياته

تتقدس ويبقي ليك

 

+ لما العدو القتال

اللي من البدء كارهني جداً
لأني صورتك ولذتك
لما يحاول

يملا وداني بأكاذيبه
ويقول لي

إن أنا مش موضوع محبتك
 

أنا هاملا قلبي وفمي

من التمجيد اللي بيرسم
بسمة على وشك

ويوصل حبي ليك
ومادمت إنت الحياة

وإنت قيامتي ونصرتي
أنا مش هاشَمِّت عدوتي

وراح أحيا بيك
 

آه يسوع
إنت قدوس عالي ومجيد

وإله فريد
ساكن في النور

وفي قربه عيد

أنا بعبدك
المجد ليك يا رئيس الكهنة
راعيَّ الصالح أنا باشكرك
من أجل خلاصك وفديتك

 

قدوس قدوس قدوس
إنت الذبيحة والكاهن
اللي قدم جسده

وفداني علي الصليب
كل الخليقة هاتفرح

وترنم ترنيمة موسي والخروف
وتشوف بهاك وتغني ليك

line-divider-Logo.png

لما وضعت الحد للبحر