1- صَحّي فِيَّ الأشواق من جِديد

القلب فاتر محتاج إليك

صَحّي فِيَّ الأشواق من جِديد

أنا جاي لحضنك دي الرّاحة فيك

 

(انزع كُلِّ شكِّ فِيَّ

واطلق نفسي في الحُرِّيّة)٢

وازرع فِيَّ تاني جدور تِتثَبِّت فيك

صَحّي فِيَّ الأشواق من جِديد

 

2- صَحّي فِيَّ الأشواق من جِديد

ساعدني أشوفَك بعيون جِديدَة

صَحّي فِيَّ الأشواق من جِديد

فْحَياتي تِبقى حقيقة

 

(وأعرف المعنى لأيّامي

وَابني معاك عمري وأحلامي)٢

وتكون لِيَّ الأبِّ وِتكون الصَّديق

صَحّي فِيَّ الأشواق من جِديد

 

3- صَحِّي فينا الأشواق من جِديد

إحنا كِنِيستك وإنتَ عريسنا

صَحِّي فينا الأشواق من جِديد

وِفي انتظارك شَوَّق نُفُوسنا

 

(يِرجَع نور حَقَّك دُستورنا

يرشد خطوتنا يغيَّرنا)٢

وِيْجَهِّزنا لِلُقاك القريب

صَحِّي فينا الأشواق من جِديد